Video
Read full review
2005-10-18
20 views
呢排要蓄Quota, 無論錢或脂肪都係啦，所以如果唔係OR既麻甩Lunch，Lunch都食少好多野喇，尖咀午餐系列都寫少左。趁住今日冇帶野去消卡，Lunch就去搵搵野食，叫做同今晚的啤酒活動打小小底先啦。見有食家網友不斷推介這裡，身為尖咀上班一族，點都要黎試下。這裡所有的座位都是對牆的，坐的亦是高椅，如果是情侶拍拖就未必岩了。較適合Lunch 或tea time去，唔諗住坐好耐的時間。如果同我太座去，實俾佢丙(講笑)！叫左個牛展麵+ 熱奶茶，當然唔少得還有格仔餅啦。牛展麵先到，湯是淡淡的，自己加點辣油調下味，牛展食落有點不對勁，用的雖然是金錢展，但失去了牛肉的彈性，毫不煙韌，咬落帶點黏口，牛展本身亦偏乾身，肉汁不夠，相對毓民的牛展麵，還差一段距離。麵是扁身較幼拉麵，不甚彈牙，不過不失。食完個麵，格仔餅等了差不多十五分鐘才有，賣相唔錯，花生醬加練奶塗於略金黃的格仔餅上，但女士見到可能會嫌有點溜。格仔餅食落雖然熱辣辣，但並不算脆口，卻帶點硬身，比我想象中差。而花生醬比例亦太多，如果將練奶比例略為調高會好d，更香滑。由於花生醬裡額外放了粒粒花生，花生醬本身是鞋，額外加上花生粒就鞋加鞋，如果連
見有食家網友不斷推介這裡，身為尖咀上班一族，點都要黎試下。這裡所有的座位都是對牆的，坐的亦是高椅，如果是情侶拍拖就未必岩了。較適合Lunch 或tea time去，唔諗住坐好耐的時間。如果同我太座去，實俾佢丙(講笑)！
叫左個牛展麵+ 熱奶茶，當然唔少得還有格仔餅啦。牛展麵先到，湯是淡淡的，自己加點辣油調下味，牛展食落有點不對勁，用的雖然是金錢展，但失去了牛肉的彈性，毫不煙韌，咬落帶點黏口，牛展本身亦偏乾身，肉汁不夠，相對毓民的牛展麵，還差一段距離。麵是扁身較幼拉麵，不甚彈牙，不過不失。
食完個麵，格仔餅等了差不多十五分鐘才有，賣相唔錯，花生醬加練奶塗於略金黃的格仔餅上，但女士見到可能會嫌有點溜。格仔餅食落雖然熱辣辣，但並不算脆口，卻帶點硬身，比我想象中差。而花生醬比例亦太多，如果將練奶比例略為調高會好d，更香滑。由於花生醬裡額外放了粒粒花生，花生醬本身是鞋，額外加上花生粒就鞋加鞋，如果連個餅本身亦鞋，咁就真係「鞋鞋鞋」喇。補充一句，我之所以覺得花生粒是額外加上，因為用的花生醬本身應該是幼醬，如果是粗醬，花生粒本身跟醬的顏色相似才是，還有花生的分怖會平均一點才是，但從外表看來，我應該冇估錯(如我估錯，請擋指點！)
P.S. ：這裡需要先付錢買野食，然後搵位坐低，唔駛憑票取野食，到時等服務員弄好野食就會捧出來問係邊個。從觀察在場遇見情況，心裡突然有個壞想法，如果冇錢，其實坐近d比錢counter，聽住人地叫乜，下次服務員捧出來的時候，話係自己，然後食完就撇，根本冇人知。咁當然係諗下姐，唔好做呀！
Post