潮丸 (Closed)

要係尖吵咀食個quick lunch，就黎左潮丸食粉麵。餐廳位於金馬倫道，舖租貴，所以食物價值都唔平，不過都無辦法好彩食物質素都ok，份量都大份。牛三鮮河粉：河粉好大碗，都幾滑不過唔知係咪影相影太耐腍左啲。牛三鮮有崩沙腩、牛筋及牛肚，都幾入味。特別推介點紅燈籠椒醬食，加點香辣更加可口。滷水拼盤：比較普通，豬腸肥美無腥味，豬手唔夠腍。崩沙腩撈面:崩沙腩食有層軟膜，帶有嚼勁，肉味濃郁。鹼水麵夠彈牙，又唔會好大陣鹼水味。炸雲吞：新鮮炸起，食落脆卜卜，又唔會太油膩。