冰室嘅位置都唔易搵㗎！要行入少少，依個係佢個門口。
餐廳嘅坐位唔算多，但都坐得幾舒服呀😆
餐牌嘅嘢食選擇好多，而且有廚師推介嘅每日精選，價錢亦都相宜。
1
我同朋友分別叫咗一個西冷牛扒鐵板套餐同埋半隻燒春雞套餐，好少餐廳會連午市都有鐵板餐食，而且價錢都好吸引，連埋野飲都係60蚊有找😻😻
凍檸茶嘅茶底好濃郁，天氣熱啲冰溶得好快，但係店員好細心比咗一杯冰我地自己加返🤣🤣凍飲都係加返$3!!
我自己就叫咗菠蘿冰，加咗$10，但係真係超足料😆
西冷牛排黑椒汁配飯，牛扒超級大塊，黑椒汁好濃，諗返起$5x都覺得好抵🤣🤣
燒春雞有成半隻咁多😻配洋蔥汁超配^_^
食完主菜之後店員收走，仲會有粒雪米糍食😙不過無影低！
最後埋單兩個人先$123😆午市食鐵板餐又飲埋特飲先依個價，質素好店員又細心🙆🏻♀️大家經過依邊都可以試下依間呀🤙🏻🤙🏻
