天后甜品 (Closed)

雖然今日得19度，但游完水成個人都warm up晒，突然好想有d凍野入口，於是行左去天后果頭覓食！見到呢間甜品舖門面裝修ok(見到佢有兩間鋪，我係去左佢角落頭再行兩步果間)，埋去坐低見到牆上面貼左好多甜品既相，有凍有熱，不過最吸引我眼球既係有個叫雪糕生果雪山既物體，睇圖真係一座野咁，好大份咁，我揀既係雪糕奇異果雪山，講真其實食奇異果最唔穩陣，因為唔夠熟既奇異果會好酸，本住一試無妨心態去馬,點知出乎意料地好食！！奇異果一d都唔酸！d汁重要真係用奇異果汁，唔係化學糖水feel，因為飲完冰底既汁，條脷真係會鞋鞋地lol，同真係食奇異果一樣咁正,冰山下仲有幾片奇異果墊底，但講左咁耐之前明明話雪糕奇異果雪山架嘛， 咁個雪糕呢？其實係座山入面，真係唔知佢用乜方法整左座山出黎？唔知係因為多纖維既關係，平時我只會早上去廁所，今天晚上有得再去多次，所以要數健康既甜品，呢座雪山真係不二之選！