小飛象葡國餐廳 (Closed)

我們都算熟客, 平均一個月去一兩次。昨晚再去, 點了炭燒牛仔骨, 乳豬炒飯, 馬介休沙律, 燒咸豬手。收人$88的炭燒牛仔骨, 依然有三口條, 但薄過大家樂早餐D牛排,但都唔熟, 又勁多筋, 冇味冇炭燒味.........根本來貨品質都已經很劣。乳豬炒飯D炒飯都係好馬虎, 冇以前的薯仔粒, 好普通，都似大家樂的貨色。馬介休沙律同之前食的好大分別, 馬介休粒好乾, 份量亦少了。只有燒咸豬手似D樣, 但賣相冇以前咁好, 明顯大廚好馬虎, 唔細心。連飲品甜品埋單$440, 一D都唔值, 仲以為自己去咗大家樂!!!埋單時向經理證實最近換了大廚, 亦反應了食物質數奇差。後悔沒有拍照, 但以價錢質數論, 簡直不合格。順帶一提, 其時有人包部份場開PARTY, 但居然開大咪, 強迫其他食客聽..........完全不是高餐廳所為, 似去酒樓食飯, 隔離有聯歡宴咁!失望, 嘥錢, 趕客是昨晚的結論。