熊貓小雲吞 (興華廣場)

Open Now

Now Closed

熊貓小雲吞，位於柴灣興華商場地下。餐廳原來除咗小雲吞之外，都仲有好多嘢食。有串串鍋酸辣粉，仲有各種口味唔同嘅雞翼，收工買外賣返屋企食真係一流。雙拼小雲吞$45有20粒，有兩種口味。粟米小雲吞，雲吞內有原粒粟米，少少豬肉味道清新。高麗菜豚肉雲吞，清新爽口，真係一啖一粒。推介酸辣粉配金菇肥牛，材料非常之豐富，味道香濃辣度強勁，薯粉煙煙韌韌。餐廳仲有好多唔同嘅小食，其中泡椒雞腳味道特別泡椒味都幾濃，雞腳有咬口份量都相當多。涼拌松花皮蛋可以因應需要自選辣度，而且隻隻都係糖心皮蛋。孜然椒麻炸雞翼，即叫即炸脆卜卜熱辣辣。