糖水檔 (Closed)

晚飯係附近打完邊爐，返到屋企一陣，太太突然記得自己漏左件外套係打邊爐到🙄。打左電話去，佢地搵得到，咁唯有揸車去拎返。既然揸得車去，一場黎到，就係附近搵間野食宵夜。太太一直都想試呢到附近果間糖水檔嘅菜乾豬骨粥，所以我懷疑成件事係有預謀😂。去到坐低。叫左碗鴨腎菜乾豬骨粥，布拉滑腸粉，XO醬炒米粉。鴨腎菜乾豬骨粥超級好味，好綿，好有細細個係街邊食嘅味道。超正。布拉滑腸粉呢個又係正，好滑好滑。XO醬炒米粉對比起個粥，呢個普通啲。又搵到個食宵夜嘅好地方。不過坐係街邊，點都有好有唔好。