小籠家族 (Closed)

我同朋友唔知食咩好，於是決定係街邊遊蕩咁揀，從旺角行到去佐敦，見到呢間小籠家族，覺得好似唔錯就行入去了。我地兩個人點咗三樣餸，每人埋單都係百零蚊。價錢幾抵，環境都好靚，不過座位唔多，人多嘅就需要訂位啦。水煮牛肉 $88 ：冬天需要食啲辣嘢嚟暖下身，呢度嘅水煮牛肉都幾迎合香港人嘅口味，唔會太辣，又幾鮮香，牛肉片分量都幾多。腿茸浸冬瓜 $68 ：食辣嘢要配啲清熱嘅菜式，冬瓜就最啱啦。嫩雞煨麵 $48 ：煨麵係每次食上海菜必點主食，大大碗，湯汁清甜。食物質素都幾好，茶水係有蕎麥茶，服務友善，環境舒適。