熨烤達人 (Closed)

韓式燒肉近年開到成行成市，但出色既又有幾多間呢？熨烤達人就主打可以用個熨斗去燒肉，綽頭就又啦，但味道又點呢？我地一行三人叫唔到太多野食，叫左一個拼盤，可以試晒唔同既肉。牛扒、牛肋、豬五花、豬皮等等一應俱全，牛肉就冇醃過，明顯店家對自己既牛肉好有信心。食落牛味都幾濃，雖然冇係韓國食D韓牛咁出色，不過係香港黎講都算唔錯，油花都多。韓式烤肉必備既蛋漿當然有啦，分三格係芝之、泡菜同原味，我就最鐘意泡菜，辣辣地食落有層次。之後追加左一份五花腩，要用熨斗壓住黎燒，都幾好玩。五花腩一層肉一層油，完全滿足到我地呢幾個食肉獸。