尚苑京滬川菜 (Renamed) View

之前聽朋友介紹呢間中餐大碟夾抵食，今晚黎左呢間位於尖東的酒樓食中菜，試吓佢係咪真係好食先。尚苑小炒皇 $128好足料又大份，有韭菜，蝦，魷魚，帶子，象拔蚌，魷魚，蝦乾，腰果，紅椒黃椒，超多配料，個蝦仲要係彈牙爽口，平時外面啲小炒皇唔會咁足料，呢個用黎送飯真係一流。👍👍乾煸四季豆 $88炒得好有鑊氣得黎，個調味亦做到啱啱好，唔會死咸，個四季豆份量又係好多。半隻金牌吊燒雞 $198個皮做到又薄又好脆，而且個雞肉都好嫩滑，最梗要係冇雪藏味，估唔到半隻份量都好多下。再叫左兩個白飯，每個$20。鐵觀音幾好飲，茶錢 $18一位。呢度的職員service 好，好主動refill 熱水同換碟，好肯主動幫客人，仲要有笑容，讚。