百得餐廳 (Closed)

平時都有幫襯開呢間茶餐廳, 但都係食早餐、午餐、下午茶, 晚飯真係第一次, 估唔到又唔錯bor~ 一來選擇多, 二來味道都唔錯, 而且都叫幾抵食…… 青紅蘿蔔豬骨湯叫中式套餐包1碗例湯, 但可能見我地兩個人, 索性用個大湯碗裝比我地, 果度夠一人兩碗多小小, 味道雖然唔算得上濃, 但起碼飲落唔係好重味精, 其實清清地都唔錯架~ 南乳粗齋煲配飯 雖然上枱果陣唔係渣渣聲, 但都係熱辣辣的, 都幾多料, 有幾種菇、茄子、西蘭花、支竹、筍、粟米仔、粉絲等等, 味道唔係太濃, 但都充滿南乳的香味~ 飯size同周圍差不多, 都係冇乜飯香 沙拉骨配粥 通常食開都係用一字排, 而佢呢度係用豬扒, 豬扒大約有一塊多dd, 切開一條條闊條, 炸完之後再加埋沙律醬炒勻, 有少少痠痠地, 都幾開胃下架~ 粥就大碗好多, 如果細食的朋友, 1碗粥都夠share兩個人食, 而佢d粥係潮州粥, 味道係淡少少, 但如果配埋濃味的小菜, 咁就啱啱好~