月軒廚房 (Closed)

今日同朋友行完時代廣場,行下行下行到呢間私房菜度,因為真係太攰,就諗住搵間坐得舒服嘅餐廳食野,所以就坐低咗。叫咗生炒骨同孜然茄子,好快上菜,D餸送飯一流,生炒骨唔會好似其他酒樓咁舊舊都係骨,或者成舊都係粉冇肉食。孜然茄子雖然係炸嘅,但係又唔太多油。上面D肉粒加埋茄子超好食,我朋友本來唔太鐘意食茄子都食咗兩舊。我同朋友都好鐘意食糖水,呢間私房菜嘅綠豆沙入面竟然加咗臭草,真係出乎意料之外,下次會再去幫趁。