餐廳環境正正常常，冇乜特別。
小籠包個皮算幾薄，我個人都係鍾意食完美多啲。有啲口味其實係食唔出果陣味，黑松露同埋蒜味係算食得出，其他嘅味都係淡淡然咁。
松子桂花魚。呢條魚又整得幾好食，炸得夠脆，同埋條魚都幾大條好多肉，個汁又唔會太酸又唔會太甜，適中。
1
呢個炒飯就一個好普通嘅炒飯冇乜特別，正正常常都OK唔錯
呢個油麥菜卷就真係好騎呢，開頭睇相以為啲菜係煮過同埋有調味嘅，點知一嚟到原來係生勾勾嘅菜卷埋一齊，跟住就點嗰啲麻醬嚟食，個感覺有啲奇怪。我都唔知點解我會叫呢碟菜😅😂😂
春卷都唔錯，幾大舊嘅，偏油少少
