樂天皇朝 (利舞臺廣場) (Moved) New Location

呢次係我第一次食樂天，聽就聽得多人介紹話一定要度食小籠包，但係我一直都無咁嘅打算來。因為小籠包對我來講唔係一啲特別喜歡食嘅嘢，但係今日嚟到呢一度令我覺得除咗小籠包之外其他嘅嘢食都非常之好。係中式嘅餐廳度嘅景十分之好舒適唔會太嘈個人嘅空間感非常之充足。喺座位中間仲會有一條流水，令到成個環境舒適嘅感覺增加十分之不錯。先來一個涼皮，涼皮嘅味道更似上海嘅味道，酸酸辣辣，不太辣，唔係四川嗰種麻香辣。另外我十分之推介就係呢一個豬骨湯底嘅水餃，佢呢一個豬骨湯住得非常之鮮甜，奶白色，唔似係味精，而且食完之後個口仲會有粘粘嘅感覺。入邊嘅水餃肉非常之嫩滑彈牙。到咗主角小籠包好多隻色嘅小籠包，望落去嘅視覺感受已經非常之豐富，急不及待要食。特別喜歡嘅就係麻辣味，一咬落去麻香滲出，湯汁好多，又唔會太辣。最後就係呢一個蘆薈桂花凍，甜品清香，清新嘅感覺可以省卻左頭先食嘢嘅油膩，舒舒服服嘅完成呢一餐。