醉潮館

Open Now

Now Closed

同朋友一家人晚上搵食，由於朋友媽媽係潮州人，佢好愛吃潮州菜，所以決定試試呢間醉潮館。👍🏻價錢唔貴，竟然有鴨蛋蠔餅，手打牛丸同小米餃！朋友話身為半個潮州人，點可以唔叫！咁我主力負責食啦！？🤣🤣
另外仲叫左沙爹牛肉芥蘭，胡椒豬肚湯，醬鹵鵝。
仲叫左蜜桃咕嚕肉同豬油渣菜心比小朋友食！期待呀！
胡椒豬肚湯先上，湯色好白。一般食開會加酸菜，但呢度只係用白果豬肚整。
湯偏向清甜，有淡淡既白果味，胡椒味唔重，小朋友都飲到。

再上醬鹵鵝，份量都好大，有花生豆腐托底，鵝肉有咬口，有點點清香，呢個鹵水有D似白鹵水，唔太鹹，唔錯。
小朋友搶住要食花生，食得好開心。
跟住上左沙爹牛肉芥蘭同豬油渣菜心。
兩個菜各有特色，沙爹牛肉芥蘭既牛肉份量都幾多，沙爹味道唔濃，唔會搶左菜既香味。豬油渣菜心好有驚喜，豬油渣好香好香，同D菜心好夾，連小朋友都食唔停口，食左好多菜！有鑊氣，正！
跟住上鴨蛋蠔餅，手打牛丸同小米餃！
鴨蛋蠔餅賣相好靚，蠔肉份量適中，唔錯既。手打牛丸係牛根丸來，唔算最香，但係都好有牛味，ok.小米餃熱辣辣上枱，平時好像無乜見到有呢個小米餃食，真係好期待！
小米餃既皮好QQ，好似粉果皮，裡邊既肉肉有淡淡