如果你住係沙田圍附近，呢間大排檔一定唔會陌生，想食鑊氣小炒，第一時間諗起金沙角美味小厨。
時菜肉片湯
裡面有白菜仔，肉片，湯底清清的，飲得出沒有味精。😋
黃金鮮魷🦑
黃金鮮魷嘅金黃色外層，帶有酥脆口感，與鹹蛋黃完美結合，而且，鮮魷嘅肉質滑嫩，唔會過於韌，又不會鹹。
蒜香藕片炒花枝片
藕片口感脆脆的，超爽口，花枝片又新鮮，冇腥味。當藕片同花枝片融合，味道層次感豐富！😋
京都豬扒 🐷
豬扒表面焦香，肉質厚實，咬落去好Juicy。另外，豬扒醃製技術一流，豬肉吸收咗醬汁嘅精華，配合上面嘅蜜汁，味道香濃又唔油膩。🫢
海味雜菜煲 🦐🦑🥬
有各式各樣嘅海味，色香味俱全。魷魚嘅鮮甜同蝦米嘅咬口，脆口嘅青菜同香菇，煲嘅湯底濃郁，海鮮嘅鮮味，蔬菜嘅清甜，飲落去暖心又舒服。
揚州炒飯 🤩
炒飯嘅顏色金黃，米粒分明，唔油膩，唔會黏埋一齊。廚師掌握得好好，又有鑊氣，大推。
地道嘅大排檔少之有少，好食又地道嘅大排檔就更少，想食傳統風味嘅小炒就唔好錯過金沙角美食小厨啦。😌🥳
