店員就推介左凍食馬友魚 同埋 豉椒炒蟶子
馬友魚外層已被鹽醃過，所以咸味已經有，魚肉結實不鬆散，係新鮮貨色
豉椒炒蟶子店員話蟶子好靚，上枱後望一望，又真係唔錯啵，隻隻都好飽滿，勁大隻又新鮮
賣相配上三色椒好吸引，椒仲好爽口，我地加左個白飯撈豉椒汁
黎打冷鋪只係食一條凍蟹又點夠，整多隻紅蟹
蟹已經幫我地砍好，再整碎左殼，好易就拆到肉，就咁清清地品嚐蟹肉，蟹肉既鮮甜就變得好明顯
最後我地仲叫左兩碗湯杏汁白肺湯and杏汁花膠湯
食開杏汁甜品，第一次飲佢既咸湯，感覺係特別既
兩碗既杏仁味道好出，白肺就好爽口又帶點嚼頭，花膠就屬於爽身既類型
得閒飲碗湯補一補都唔錯
