Slowlife 漫活堂 (Closed)

香港人平時工作忙碌，難得有一日平日公眾假期，不如放慢腳步👣，搵間小清新餐廳，黎個簡單輕食，放鬆下心情！？漫活堂 呢個名可能大家都唔陌生，皆因佢就係由長洲起家嘅文青Cafe，後來擴展到有其他分店，而每間分店都有唔同主打，例如：太子店主打慢煮⋯ 呢間位於佐敦新開嘅 漫活堂 就主打輕食！漫活堂 標榜：無味精、無激素、無雞粉！Pizza 即叫即做，新鮮熱辣！Wow~ 超多芝士，每塊Pizza 都做到拉絲嘅效果，鐘意食芝士嘅朋友，一定會喜歡！套餐包括：煙三文魚牛油果三文治🥪、藜麥沙律🥗、炸薯角🥔、朱古力Brownie🍫、糙米茶🍵。Ciabatta🥖 外層香脆、裡面鬆軟；煙三文魚🍣 有木煙燻香、淡淡鹹味；牛油果🥑 熟成度剛好、口感軟滑。藜麥沙律🥗加左酸酸甜甜嘅香醋汁，份外醒胃！是日甜品係Brownie，朱古力好濃郁，而且帶仲有回甘嘅甜味。最後黎一杯糙米茶，入口順喉、幫助解膩。總結：整個輕食店無論係環境、食物都俾人一個小清新嘅感覺，食物口感層次好豐富而且健康！平日經常大魚大肉，偶爾黎個輕食，refresh一下自己，身體少d負擔，人就更輕鬆自在啦！