越滿 (Closed)

今日出去旺角行街，就順路去越滿食咗晚飯，環境走小清新風格，食物唔錯！店員都係我介紹咗一啲主打推介，小食、湯粉都好吸引。海防番茄蟹肉鮮蝦湯檬。我自己就覺得最有特色！蕃茄湯底濃郁又好味，而且有清新嘅香葉味道，果然係越南特色。首先飲一啖番茄湯，除咗番茄嘅甜味仲有蟹肉嘅鮮味，配上鮮蝦同埋扎肉，豐富的海鮮盛宴。小食我就揀咗最有越南味道嘅米紙卷，蔬菜同埋粉絲增加口感，加點清新酸辣汁，十分開胃。惹味的串燒拼盤，肉嫩多汁，香氣撲鼻。 夏天熱辣辣食到清新嘅越南菜真係好舒服，最後再加多杯鹹檸梳打，涼透心之選。