Video
Read full review
2019-12-07
157 views
得悉開咗間越南菜小店決定同屋企人夜晚一試。舖仔細細，裝修似cafe咁淺色為主，單邊對牆位仲有usb插頭，店員親切有禮。入正題先😂點咗順化湯檬粉同雜錦撈檬（因為撈檬唔係我點所以唔記得影相📸），跟餐係包普通熱飲，而我加咗$8改特飲點咗越式熱咖啡同熱奶茶，小食點咗蒜香牛油雞翼同網絲春卷。主食：順化湯粉落單時候店員已經提醒係會有啲啲辣，我係唔食得好辣嘅人（參考：譚仔十小程度）但個個辣對我係絕對Ok，輕描淡寫嘅辣嚟，湯唔算濃，微微酸，有啲啲香料嘅味，如果要具體講可以講係一個有啲啲酸嘅紅燒牛肉湯咁，檬粉冇特別唔係好幼個種，芽菜唔係粗短個種（係會理會啲），扣肉ok又唔會切到好薄（唔係有軟骨），牛肉ok，👍🏻牛丸好食有香嘅牛味同有汁🐮。檬粉偷咗啲試😂冇特別，上面配有網春卷、串燒同魚餅，串燒冇特別，唔係真燒個種，所以冇啲啲燶邊嘅香口，個人不嬲唔太鍾意食魚餅，但呢可接受。小食：想一讚嘅係我叫兩個小食都係炸物👍🏻，而呢兩種都炸得唔錯，外身夠乾身好脆，唔會流到成碟油，同就算放一陣又唔會變淋。佢有網絲對我嚟講幾難得，而家出面好似少咗餐廳整，鬆脆味道適中；牛油雞翼又熱又脆，但蒜同牛油味不足（本人搵緊錦麗牛油雞翼替
入正題先😂點咗順化湯檬粉同雜錦撈檬（因為撈檬唔係我點所以唔記得影相📸），跟餐係包普通熱飲，而我加咗$8改特飲點咗越式熱咖啡同熱奶茶，小食點咗蒜香牛油雞翼同網絲春卷。
主食：順化湯粉落單時候店員已經提醒係會有啲啲辣，我係唔食得好辣嘅人（參考：譚仔十小程度）但個個辣對我係絕對Ok，輕描淡寫嘅辣嚟，湯唔算濃，微微酸，有啲啲香料嘅味，如果要具體講可以講係一個有啲啲酸嘅紅燒牛肉湯咁，檬粉冇特別唔係好幼個種，芽菜唔係粗短個種（係會理會啲），扣肉ok又唔會切到好薄（唔係有軟骨），牛肉ok，👍🏻牛丸好食有香嘅牛味同有汁🐮。檬粉偷咗啲試😂冇特別，上面配有網春卷、串燒同魚餅，串燒冇特別，唔係真燒個種，所以冇啲啲燶邊嘅香口，個人不嬲唔太鍾意食魚餅，但呢可接受。
小食：想一讚嘅係我叫兩個小食都係炸物👍🏻，而呢兩種都炸得唔錯，外身夠乾身好脆，唔會流到成碟油，同就算放一陣又唔會變淋。佢有網絲對我嚟講幾難得，而家出面好似少咗餐廳整，鬆脆味道適中；牛油雞翼又熱又脆，但蒜同牛油味不足（本人搵緊錦麗牛油雞翼替代品😂但呢個未做到），都算可以。
飲品：咖啡幾香，但練奶甜但唔算奶香出色；奶茶唔係茶記嚟講係幾好幾滑，唔會淡。
整體嚟講質素唔錯，食到有誠意，價錢唔會太貴。食物調味上感覺偏向甜味多過鹹香（個人比較好鹹香），但都值得再食。
Post
