Video
Read full review
2018-10-06
30 views
之前聽人介紹朗豪坊開咗一間新式韓燒，今日終於有機會食，入邊裝修得非常雅致及清新，唔知嘅經過真係以為係一間cafe餐廳雖然唔大，但勝在會有一塊板隔開你同鄰座，所以都幾有私隱，幾啱同男朋友過嚟食。食燒肉女仔最大concern梗係大唔大油煙，呢度嘅抽油煙機絕對唔會令到你食完之後成身味，值得一讚。我哋叫咗個特級和牛拼盤，有四款牛肉。牛肉嘅油脂分布好平均，齋睇賣相都知道係靚牛牛肉味非常之重，同出面調味好重而蓋過牛味既韓式燒肉截然不同。雖然間鋪主打韓燒，但熟食同樣出色。鰻魚鐵鍋炒飯係佢哋嘅推介食物，鰻魚汁調味得相當之香口，幾乎食唔到鰻魚嘅魚刺，我男朋友超鍾意呢個炒飯。食咁熱氣嘅韓燒梗係要飲返啲滋補養生嘅湯啦，所以我哋叫咗個韓式牛骨湯。湯底鮮甜，鹹度適中，蘿蔔都燉得非常入味。小食方面叫咗個脆香芝士炸雞，本身以為價錢唔貴所以份量唔會好多，點知分量同出面百幾蚊一份嘅差唔多，超級抵食。炸雞嘅外皮相當香脆，食落好crispy，內裏嘅肉質好滑嫩，睇相都見到雞塊入面充滿肉汁，想芝士味再濃郁啲就可以點佢嘅芝士醬。呢度裝修得咁清新就當然要叫番杯清新嘅果汁抵消油膩嘅燒肉啦。我叫咗杯captain lab，熱情果、奇異
餐廳雖然唔大，但勝在會有一塊板隔開你同鄰座，所以都幾有私隱，幾啱同男朋友過嚟食。
食燒肉女仔最大concern梗係大唔大油煙，呢度嘅抽油煙機絕對唔會令到你食完之後成身味，值得一讚。
我哋叫咗個特級和牛拼盤，有四款牛肉。牛肉嘅油脂分布好平均，齋睇賣相都知道係靚牛
牛肉味非常之重，同出面調味好重而蓋過牛味既韓式燒肉截然不同。
雖然間鋪主打韓燒，但熟食同樣出色。鰻魚鐵鍋炒飯係佢哋嘅推介食物，鰻魚汁調味得相當之香口，幾乎食唔到鰻魚嘅魚刺，我男朋友超鍾意呢個炒飯。
食咁熱氣嘅韓燒梗係要飲返啲滋補養生嘅湯啦，所以我哋叫咗個韓式牛骨湯。湯底鮮甜，鹹度適中，蘿蔔都燉得非常入味。
小食方面叫咗個脆香芝士炸雞，本身以為價錢唔貴所以份量唔會好多，點知分量同出面百幾蚊一份嘅差唔多，超級抵食。
炸雞嘅外皮相當香脆，食落好crispy，內裏嘅肉質好滑嫩，睇相都見到雞塊入面充滿肉汁，想芝士味再濃郁啲就可以點佢嘅芝士醬。
呢度裝修得咁清新就當然要叫番杯清新嘅果汁抵消油膩嘅燒肉啦。我叫咗杯captain lab，熱情果、奇異果、香橙、蜜糖嘅配搭非常出色，細細咁品嚐係可以分出唔同水果嘅味道，有種和而不同嘅感覺。
呢個新式韓燒體驗我絕對比一百分，甚至比我喺韓國食燒肉嘅感覺更好，試完冇油煙嘅韓燒真係回不到以前煙霧離漫既舊式韓燒了
Post
