Helen’s (Closed)

酒吧就去得多，一啲高檔次的而且環境舒服嘅酒吧，誠意推薦呢間Helen海倫司。我同朋友選了窗邊的位置坐，在尖沙咀鬧市中終於可以喘一喘氣。有兩位朋友都未食正餐，所以我哋一口氣叫咗好多嘅小食，不過都食得飽！呢度嘅海鮮忌廉汁意粉好Creamy，而且份量都夠一至兩人，食落去嘅時候仲有啲蘆筍，加埋鮮甜嘅忌廉汁，白滑又香甜。另外呢度仲有酥炸雞軟骨、炸魚薯條、香烤辣雞翼同埋燒雞骨腸。上次已經試過佢嘅炸魚薯條，真係覺得炸魚係佢哋嘅皇牌，炸到金黃色都唔算太熱氣，而且仲有個醬汁跟埋，清新而且但有一點點酸瓜味道。另外我好欣賞佢哋嘅烤雞骨腸，腸一共有五條。好粗大！而且上面已經舖滿蜜糖芥茉漿，脆皮得來真係爆曬汁。總之啲嘢鹹咗少少，但可接受。