譚仔雲南米線 (利都樓)

Open Now

Now Closed

晏晝唔知食乜好，於是走咗去穩穩陣陣嘅譚仔雲南米線。對比起飯，猴子鍾意食麵多啲，即使都係由米製成嘅米線，猴子都覺得好食過飯。猴子叫咗個過小橋米線，個名叫「小橋」，但其實份量都唔少，睇過menu，有魚蛋、牛丸、墨丸、豬膶、牛肉、雞肉、豬肉、火腿、芽菜、韮菜、腐皮，仲有豆卜。老實講，猴子冇逐樣數下齊唔齊，不過食到好飽就係真嘅。猴子叫嘅係清湯底，有啲人話去譚仔食米線唔辣係唔好食，但猴子想食嘅係食材真正嘅味道，唔係嚟食辣椒油，所以清湯先係猴子嘅首選。講到材料，唔單止豐富，而且濃淡配搭得宜，一個價錢就可以食到多種味道，亦唔會咁易食厭。呢間喺北角嘅譚仔雲南米線，地方舒適又就腳，價錢唔貴，啲嘢食又好少會中伏，猴子唔想煩食乜嗰陣就會諗起佢。