呂錦記手撕雞專門店 (筲箕灣道)

Open Now

Now Closed

雖然媽媽平時鍾意自己煮飯，但係間唔中都會偷下懶買吓外賣，不過媽媽對外賣嘅質素要求好高，唔好食都唔會買返去比佢哋食。.最近聽朋友講喺西灣河太安樓附近開咗間好好食嘅手撕雞 - 呂錦記手撕雞專門店，於是決定偷懶煮少日飯，買佢哋嘅外賣返屋企。.去到發現原來好多選擇，唔係普通手撕雞咁簡單，除咗有多款口味選擇，仲有古法水晶雞，同埋各款滋味小食。.最後我揀咗兩款健康啱小朋友食嘅菜式 - 鹹香去皮手撕雞 同 蟲草花水晶雞。.鹹香去皮手撕雞 - 手撕雞去皮非常健康，啱晒注重健康嘅媽媽，味道啱啱好少少鹹香味唔會太鹹，配上青瓜絲，味道更清新，口感爽脆，屋企兩個小朋友都食得好開心😊.蟲草花水晶雞 - 用錫紙包住鎖住肉汁，雞肉質感嫩滑，超好食，配埋蟲草花，非常健康。小朋友成隻雞髀搦住咬，食到停唔到口😋