小店

Open Now

Now Closed

昨晚同一班中學舊同學去九龍城食飯, 途經一間叫做 "小店" 嘅西式餐廳, 見裡面的裝修都幾精緻同寬敞, 於是就入去試下啦 ... 後來老闆娘推介咗幾款菜式畀我哋, 果然 "好掂"👍, 尤其啲生蠔, 大大隻, 新鮮味美, 另外啲焗薯蓉田螺就更加唔使講嘢 " 好掂" 👍👍 ,但最驚喜嘅居然喺啲甜品, 真係估佢唔到呀, 味道清香, 不甜不膩, 樣子趣緻, 因為所有甜品都有老闆娘親自手繪嘅卡通圖案, 全部卡通圖案都唔一樣 (呢吓先最抵死呀👍👍👍), 不過令我哋最難忘嘅就喺呢位老闆娘嘅親切款待, 雖然我哋唔識老闆娘姓乜名乜, 但今時今日有咁嘅服務態度, 真係要畀個 "like"佢啦, 最後我畀大家嘅評價就喺, [ 雖然這間唔講得上喺最好嘅西式餐廳, 但就肯定係所有食客最想搵到嘅西式餐廳] ,如果用10分為滿分, 我會畀8.5分 + 1分, 8.5分係食材加餐廳嘅環境, 最後1分就喺呢位不為人知嘅老闆娘嘅親切款待和服務態度, 推介 🤓。