Cafe Whale (Closed)

店舖雖小,但環境氣氛令人感到温暖，服務員細心有禮。今日試左新出炸魚柳漢堡，味道一流，炸魚柳即造即炸，但一點都唔覺油膩，而且仲保持到魚嘅水份，一定係新鮮製造。店主見我一個女人帶住個小朋友，驚我食唔晒，特別為我炮製兩個細嘅Mini burger，我啱啱湊完小朋友放學食真係啱啱好，唔會太飽！佢哋仲專登整咗份薯條俾我小朋友，以後都會再幫襯！ ！其實之前已經試過佢哋嘅牛肉漢堡，當時諗住買返去當lunch食，點知唔記得拎返公司，雪左一晚第日lunch再試吓叮嚟食，啲肉味重好濃！