木子烘焙

Open Now

Now Closed

🍍爆漿三角菠蘿包$16街坊價超有料‼️吉士醬多到咬開會瀨嘢，吉士醬仲要好香濃，外面係蜜瓜包酥皮🍈，又甜又脆。個菠蘿包都幾鬆軟，好好jap！😋地鐵站一出就係🚇，經過一定會買返幾個。放雪櫃️隔一日，用焗爐或者氣炸鍋焗幾分鐘就外邊脆卜卜，入面係冰凍嘅流心爆漿吉士💥。除咗吉士，仲有黑芝麻同埋抹茶🍵，個人最鍾意吉士💛。 🍮開心果布丁包開心果布丁餡堅果香超濃🌰，仲好流心。一定要即日食呀！🍠紫薯芋泥布丁包除咗布丁，入面仲有綿密芋泥，仲有一個朱古力味🍫㗎，不過我太夜去買唔到😭。 🧀芝士海鹽捲咸香芝士🧂，仲好重牛油味🧈，做早餐一流✨☀️。 🥧葡撻酥皮層次多，仲係花花造型，蛋漿滑到似布甸🍮。仲有迪拜朱古力味，上面加多咗朱古力醬🍫同埋開心果杜拜朱古力脆脆。