Video
Read full review
2018-07-17
2387 views
今日收工跟埋朋友過來呢間日本料理，佢想食一段時間喇，因為見過唔少人介紹，影得幾吸引咁。落到鬼咁大雨，我地冒雨過來的，好在因為平日，餐廳都仲有少量位置，都坐到唔少人嘅，始乎都有好多係街坊。呢度嘅餐牌以小店而言，都算幾有選擇呢。名叫爆丼丼，本以為淨係得魚生丼呢，魚生丼有海膽，三文魚，油甘魚，帆立貝、吞拿魚，三文魚籽等等嘅配搭，款式固定左。有正常size，亦都有迷你丼，價錢係72至188蚊，都算好抵食另外仲有唔少熟食丼，例如鰻魚飯，牛肉丼，炸雞，豬軟骨等等，價錢係58至108蚊，更加抵食。仲有拉麵，咖喱飯。由於係日本料理，佢地仲有壽司，刺身，小食，一品料理，都有好多選擇。鐘意食魚生又得，好似我朋友唔係太鐘意食魚生，又有熟食。北海丼 138：丼飯裡面有三文魚，油甘魚，劍魚，帆立貝，拖羅碎，三文魚籽，都幾豐富。可以跟面豉湯/汽水加5蚊。麵豉湯係正常野，冇乜特別。一上枱，個飯份量都幾多，其實唔係話超大碗果種，但真係夠哂飽。魚生整體都算新鮮，以油甘魚同劍魚最出眾，好厚切，又夠新鮮！三文魚就正常水準啦，帆立貝都好大粒，拖羅蓉細滑，加少少芝麻，好香。壽司飯量多，加左少少醋，酸度適中，又有少少黏性，正正常
另外仲有唔少熟食丼，例如鰻魚飯，牛肉丼，炸雞，豬軟骨等等，價錢係58至108蚊，更加抵食。仲有拉麵，咖喱飯。由於係日本料理，佢地仲有壽司，刺身，小食，一品料理，都有好多選擇。鐘意食魚生又得，好似我朋友唔係太鐘意食魚生，又有熟食。
北海丼 138：丼飯裡面有三文魚，油甘魚，劍魚，帆立貝，拖羅碎，三文魚籽，都幾豐富。可以跟面豉湯/汽水加5蚊。麵豉湯係正常野，冇乜特別。一上枱，個飯份量都幾多，其實唔係話超大碗果種，但真係夠哂飽。魚生整體都算新鮮，以油甘魚同劍魚最出眾，好厚切，又夠新鮮！三文魚就正常水準啦，帆立貝都好大粒，拖羅蓉細滑，加少少芝麻，好香。壽司飯量多，加左少少醋，酸度適中，又有少少黏性，正正常常。三文魚籽D魚油豐富
火焰左口魚壽司 38：我好鐘意左口魚架，見呢度有，我都點左份。左口魚厚身，魚油爆射，不過入口有筋。
安格斯牛肉鵝肝丼 108：朋友唔鐘意食生，所以點左熟食丼，呢個飯幾抵食。鵝肝有兩大件，另外有大量牛肉，仲有椰菜墊底。鵝肝輕輕煎起，唔會太焦，咬落好軟熟，鵝肝味就唔係話好濃，但都幾有油份。牛肉有用D燒汁煮過咁，所以食落都幾香，未食到聞到。牛肉片嫩，好食呢。飯粒熱辣辣，又有少少醬汁，都幾開胃，成碗食得哂
Post
