進達餐廳

Open Now

Now Closed

之前聽朋友介紹位於兆康嘅隱世西餐廳，所以決定再帶朋友去試吓😍原來餐廳岩岩轉左新菜單，所以我哋決定要試吓新野🤘🏻我地分別叫左肉眼扒同雜扒🥰首先介紹嘅當然係三文魚忌廉湯，好濃郁好好飲，唔會話好重味精！超正！餐包送到上嚟熱熱地，配埋牛油食就一流啦💙而沙律菜都好新鮮，我個人來講幾鍾意食睇相都可以見到我哋嘅重頭戲有幾大碟，雜扒真係好多嘢食，有一隻雞蛋一條好大嘅司華力腸，仲有好多快唔同嘅扒！一個餐可以試齊咁多唔同嘢食真係好掋🤔而我嘅肉眼扒七成熟剛剛好，好多肉汁肉質亦都好鬆軟，超好食💚朋友加配左個意粉，男仔食就剛剛好啦😃環境比較靜，適合朋友或者情侶嚟傾下心事聚會下🖖🏻下次有機會應該會帶屋企人去