Deer Alley

餐廳鄰近地鐵站，店舖行隱世小店風，裝潢有特色。店員親切有禮、好笑容好服務。餐牌多選擇，但so far今晚聽到幾枱都嗌呢幾樣，食落又真係值得推介。

✦ 火炙香料鴨胸咖哩飯
雖然用外賣兜，無阻有心機、精緻嘅擺盤。鴨胸厚切、肥瘦適中、帶油脂香，燒得啱啱好少脆皮、帶少甜。咖哩當然係日式款、帶甜，濃郁多汁。飯粒飽滿有口感。

✦ 法式清酒煮蜆烏冬
蜆肉份量多，飽滿鮮甜、無沙、唔腥。清酒底奶油感濃郁，嗅覺味覺雙重享受。烏冬煙韌滑溜。

✦ 自製淺漬燒蓮藕
蓮藕厚切。雖然係冷盤，但帶焦香，非常有特色。

有心嘅小店，值得支持。