炻板燒 (Moved) New Location

成日晏就經過新墟，都見到有好多人等位，所以我就決定左下午茶時間黎食，不過我同男朋友都無嗌到tea set ，店主話tea set 既板燒set牛肉數量會少啲，大約得5至6塊左右，我同男朋友都唔夠食，所以就叫左2個full set😂。 牛小排既油質部分比較多，紋路都比較吸引，食落較為腍身軟身少少🥰而封門柳就第一次聽，所以我地即刻上網search左， 封門柳係牛橫隔膜肌肉，每隻牛只有一條咁大把，所以較為罕有而且肉味較濃郁，適合愛牛肉既我😗之後小食我地揀左鹽燒三文魚腩邊。本身就真係以為燒既，但出到黎見到係炸既，由於我皮膚狀態唔太好，所以食左細細舊咋🥺男朋友搶晒黎食。 三文魚腩邊好滑溜，新鮮炸出唔會炸得太老火，仲有魚既鮮味係到，可惜男朋友食晒....本身以為第二份肉半價，但埋單個陣收足左，我諗可能要兩份一樣既肉先有呢個優惠，大家下次去食既時候都可以問清楚🥰