呢間小店雖然冇乜裝修，而且都係用上最簡單嘅枱凳，不過都排列得好整齊，而且都乾淨。
原來佢仲有做米線，而且價錢相當平，見到張海報就覺得好吸引，等我有機會嚟試吓先。
呢度嘅堂食雞煲同烤魚原來係火鍋放題，每位只係$118就已經可以食個半鐘，不過食放題得1.5小時當然係唔夠喉啦，其實佢每加半小時都只係加$20/位，真係好抵！
火鍋配料都係大路嘢，尚算繽紛吖！
講番個雞煲，肉質非常鮮嫩，雞汁相當惹味，再加上洋蔥、薑片、芫荽，真係好香口，我仲忍唔住用佢嘅汁撈咗碗白飯嚟食
呢間成都小巷簡直係隱世雞煲店，希望佢可以由小巷衝出大路啦！
