食左好多次.食評又真係第一次寫.
本人特好食炖奶類,知道呢間新開店鋪主打呢D.
就馬上去試.入面主要4款炖品都試過.
普通糖水如芝麻糊就完全冇試過.只試過炖雪梨.不過感覺一般..
-蛋白炖奶
其實..即係普通炖奶..奶香味相對重D...炖既時間剛剛好.夠濃.夠「杰」.
每次都KEEP到水準.呢個食得最多.
-冰花炖蛋
淡淡蛋味.好滑.唔會炖得太老.而且呢個有凍食.食完感覺好潤.
-薑汁炖奶
有薑汁味而又不算太濃,,唔會太辣..食完真係個人即刻暖好多..不過我唯一唔鍾意就係每次炖完出來都好水..唔夠「杰」
好似未凝固咁...每次都係..所以我相信唔係唔夠時間製作.
-椰汁炖奶
都係有椰汁味唔太濃,第一次食都擔心佢似出面D糖水店咁死甜,但食落又冇.呢一個都係正常.
每次都係凝固左既..岩想食甜既朋友.
基本上面4款炖品價錢都係$16-$17(暫時).甜品黎講好合理既價錢..
(試過買外賣.外賣唔駛加錢
)
好多地方已經要$20頭...店鋪細細..成日都爆.入面最多都係坐10幾人..出面加台都係坐得幾個人.
不過可能因為咁食物KEEP到水準.每次食可能咁岩夾到時間..入面都有位..
每次行過店鋪都心思思入去食.下次有機會試埋佢其他甜品
!!
