Video
Read full review
2023-03-30
527 views
🥩🥩🥩今次試到依間餐廳既原因係朋友包場開party，超有驚喜位置其實比較近牛頭角，餐廳細細既，全包場20人左右，見到餐牌每人最低消費$350再加一，真係好適合小型party，食物質素都超出預期由於包場，我地食物share食，所以可以試到好多款👍🏻👍🏻👍🏻Grilled Steak (350g, serve 2 persons - $450)好香好有肉味，好淋身同Juicy，不過同其他西餐一樣，牛扒用碟上好易凍，凍左就真係爭好遠Burrata Cheese Prosciutto ($148)👍🏻👍🏻👍🏻有芝士同火腿，依個組合真係無敵，兩樣夾埋，加埋少少沙律做前菜，真係好好味，食完之後要encoreGarganelli Pasta with Ndugi & Calamari ($198)賣相都算吸引，有魷魚同蕃茄醬，兩樣野夾埋通粉好好味，不過份量黎講，依個價錢就未算好抵整體黎講真心值得推介，雖然小店人手少，出菜慢少少，甜品有機會時時唔同，所以唔逐一介紹，但每樣都好吸引，真係好適合人少少包場既好地方
今次試到依間餐廳既原因係朋友包場開party，超有驚喜
位置其實比較近牛頭角，餐廳細細既，全包場20人左右，見到餐牌每人最低消費$350再加一，真係好適合小型party，食物質素都超出預期
由於包場，我地食物share食，所以可以試到好多款👍🏻👍🏻👍🏻
Grilled Steak (350g, serve 2 persons - $450)
好香好有肉味，好淋身同Juicy，不過同其他西餐一樣，牛扒用碟上好易凍，凍左就真係爭好遠
Burrata Cheese Prosciutto ($148)👍🏻👍🏻👍🏻
有芝士同火腿，依個組合真係無敵，兩樣夾埋，加埋少少沙律做前菜，真係好好味，食完之後要encore
Garganelli Pasta with Ndugi & Calamari ($198)
賣相都算吸引，有魷魚同蕃茄醬，兩樣野夾埋通粉好好味，不過份量黎講，依個價錢就未算好抵
整體黎講真心值得推介，雖然小店人手少，出菜慢少少，甜品有機會時時唔同，所以唔逐一介紹，但每樣都好吸引，真係好適合人少少包場既好地方
Post
