Video
Read full review
2020-10-04
133 views
今日午飯時間同朋友路過荃灣中心，發現新開咗間日本小店，係門外見店面乾淨企理，午餐價錢又唔貴，就同朋友行咗入去。 雜錦魚生沙律 ($38)沙律菜同車厘茄新鮮爽脆，角切魚生有三文魚、八爪魚、帆立貝 & 油甘魚，水準不錯，鮮甜味美。(蔬菜冇出水，唔會整稀咗個沙律醋，讚！) 生薑豚肉飯 ($55)「生薑燒」係日本被稱為「日本男人最愛料理」，果然有佢吸引之處。未上枱就已經傳來陣陣薑汁同洋蔥的香甜味，上枱見份量十足，每啖飯連同豬肉片&醬汁大口大口食，真係非常滿足。 汁燒三文魚丼 ($67)絕對有驚喜！首先冇諗過係用三文魚腩，火灸後釋放出甘香的油脂但不膩口，香甜的燒汁配上火灸三文魚腩細嫩嘅口感，加上一啖酸甜的壽司醋飯，真是絕配。另外一個驚喜係碗邊唔起眼的"wasabi"(山葵)，吃起來是香，帶少甜，而不是只有嗆鼻，同平時一般日本餐廳食到嘅唔同。
今日午飯時間同朋友路過荃灣中心，發現新開咗間日本小店，係門外見店面乾淨企理，午餐價錢又唔貴，就同朋友行咗入去。
雜錦魚生沙律 ($38)
沙律菜同車厘茄新鮮爽脆，角切魚生有三文魚、八爪魚、帆立貝 & 油甘魚，水準不錯，鮮甜味美。(蔬菜冇出水，唔會整稀咗個沙律醋，讚！)
生薑豚肉飯 ($55)
「生薑燒」係日本被稱為「日本男人最愛料理」，果然有佢吸引之處。未上枱就已經傳來陣陣薑汁同洋蔥的香甜味，上枱見份量十足，每啖飯連同豬肉片&醬汁大口大口食，真係非常滿足。
汁燒三文魚丼 ($67)
絕對有驚喜！首先冇諗過係用三文魚腩，火灸後釋放出甘香的油脂但不膩口，香甜的燒汁配上火灸三文魚腩細嫩嘅口感，加上一啖酸甜的壽司醋飯，真是絕配。另外一個驚喜係碗邊唔起眼的"wasabi"(山葵)，吃起來是香，帶少甜，而不是只有嗆鼻，同平時一般日本餐廳食到嘅唔同。
Post
