Video
Read full review
2011-04-09
70 views
還記得小南國在 MEGABOX 開張無耐，我同老婆經常幫趁。當初每樣美味食物都深深留喺我腦海裡。但可惜就如香港很多食肆一樣，食物質素不能維持。直至有次忍無可忍，決定唔再幫趁。事隔一年，忽然想起小南國未「亡國」前嘅美食，希望相隔一段時間能回復少少水準。今日決定「故國重遊」。我叫咗：1. 鹹肉炒飯 - 送上嚟時連我個好細食嘅菲傭都話「So Small」，你預大約三小碗。啲米好油潤，喺昏暗嘅餐室裡面好似識得發光咁。2. 素鵝 - 除咗薄薄嘅腐皮，啲餡好似「脗」上去咁，好少。你地不妨去尖沙嘴「泰豊廔」叫同一道菜，你就知天堂同地獄嘅分別。3. 毛豆百頁炒毛瓜 - 有層好厚嘅「力架」，同啲炒飯襯埋一SET。我個仔乜都食，但我個菲傭喂佢，佢只係猛咁擰頭。4. 小籠包 - 好似五十歲女人出街個妝咁，啲皮好厚粉。最神奇有成1MM厚嘅皮竟然會穿，更神奇係只有好少好少汁流出，心裡暗嘆莫非未上枱前已經有人搞過佢? 忽然令我想起紅樓夢「落紅不是無情物」之句。食落口，我發覺超市急凍貨更有食趣。5. 甜品仿真花生合桃 - 好似再見年少時夢中情人，但見佢時早已洗盡鉛華，點解咁殘忍畀我地再重逢呢?食完之後，我即興作咗首
當初每樣美味食物都深深留喺我腦海裡。但可惜就如香港很多食肆一樣，食物質素不能維持。直至有次忍無可忍，決定唔再幫趁。
事隔一年，忽然想起小南國未「亡國」前嘅美食，希望相隔一段時間能回復少少水準。今日決定「故國重遊」。
我叫咗：
1. 鹹肉炒飯 - 送上嚟時連我個好細食嘅菲傭都話「So Small」，你預大約三小碗。啲米好油潤，喺昏暗嘅餐室裡面好似識得發光咁。
2. 素鵝 - 除咗薄薄嘅腐皮，啲餡好似「脗」上去咁，好少。你地不妨去尖沙嘴「泰豊廔」叫同一道菜，你就知天堂同地獄嘅分別。
3. 毛豆百頁炒毛瓜 - 有層好厚嘅「力架」，同啲炒飯襯埋一SET。我個仔乜都食，但我個菲傭喂佢，佢只係猛咁擰頭。
4. 小籠包 - 好似五十歲女人出街個妝咁，啲皮好厚粉。最神奇有成1MM厚嘅皮竟然會穿，更神奇係只有好少好少汁流出，心裡暗嘆莫非未上枱前已經有人搞過佢? 忽然令我想起紅樓夢「落紅不是無情物」之句。食落口，我發覺超市急凍貨更有食趣。
5. 甜品仿真花生合桃 - 好似再見年少時夢中情人，但見佢時早已洗盡鉛華，點解咁殘忍畀我地再重逢呢?
食完之後，我即興作咗首「南國破」，送畀啲仲相去小南國送死嘅人：
「南國破」
餐室人跡渺，食物份量少。
味道早全非，美食知多少?
最後一提：咁高級嘅餐廳，啲餐具同喺深水埗啲地踎酒樓一樣都係好多洗完碗嘅水漬。
Post