Video
Read full review
2021-04-08
403 views
話說，我去土瓜灣一帶見客，個客又咁啱想食地中海/中東餐廳，所以我上網搵咗一陣，就淨係搵到這間。坐低的時候，已經非常之肚餓。原因係因為個會開咗成兩個幾鐘。去到門口時，出邊有個小小的terrace比人露天食吓煙，飲下啤酒。咁啱也見到個外國人，應該係老細，或者是主廚，就招呼左我哋入去。入到去之後，整間餐廳的裝修都頗有中東一帶的設計。擺設簡單，枱櫈等等都是以木為主，唔會給人一種壓迫感。不過位置有限，目察，應該最多七張枱。到點野食，我們二人則就叫了set lunch （蝦意粉）及單點了casserole, truffle flat bread 及 hummus。先講講個casserole，可佩 couscous或飯。我就太肚餓，所以揀咗長條飯。個雞就好嫩，唔會煮到好老。湯汁配返也唔錯，係略嫌薯仔有點硬，唔知係煮得唔夠耐，還是他們的特色。香料的配搭得很好，完全帶出雞湯的香味。其次就係flat bread。確實係做得唔錯，truffle 非常入味，每但麵包咬落去都吸收到truffle本身的菌香，仲有少少齒頰留香添！Hummos配包也是一絕，不過唔記得咗影相，所以冇相片參考。個人建議wild thym
去到門口時，出邊有個小小的terrace比人露天食吓煙，飲下啤酒。咁啱也見到個外國人，應該係老細，或者是主廚，就招呼左我哋入去。入到去之後，整間餐廳的裝修都頗有中東一帶的設計。擺設簡單，枱櫈等等都是以木為主，唔會給人一種壓迫感。不過位置有限，目察，應該最多七張枱。
到點野食，我們二人則就叫了set lunch （蝦意粉）及單點了casserole, truffle flat bread 及 hummus。
先講講個casserole，可佩 couscous或飯。我就太肚餓，所以揀咗長條飯。個雞就好嫩，唔會煮到好老。湯汁配返也唔錯，係略嫌薯仔有點硬，唔知係煮得唔夠耐，還是他們的特色。香料的配搭得很好，完全帶出雞湯的香味。
其次就係flat bread。確實係做得唔錯，truffle 非常入味，每但麵包咬落去都吸收到truffle本身的菌香，仲有少少齒頰留香添！
Hummos配包也是一絕，不過唔記得咗影相，所以冇相片參考。個人建議wild thyme 的hummos 香料較濃烈，如果食開重口味，值得一試！微辣之餘，又唔會太飽，最啱當開胃菜食。
最後都set lunch的蝦意粉。也是微辣，蝦本身夠鮮甜，也是隻，加上辣辣地嘅意粉，都唔錯，不過就比較西式，這道菜就沒有特別中東口味。set lunch包茶或咖啡，我就點了熱茶。茶杯都幾特別，或者咁講，基本上所有的餐具都睇得出花過心思，做得夠地道。不過茶方面，就冇乜特別，冇話有一種好濃厚的阿拉伯茶。
整體來講，這間餐廳算是小本經營，無論是環境、食物，還是服務，都唔錯，我個人最喜歡是食物，當然因為今次是午餐，所以冇試到很多野，如果下次再去，我一定會想是他們的羊脾。因為淨係睇相都覺得好好食，如果大家有食過，都不妨留言，分享吓！
Shrimp with spicy tomato sauce
$90
30 views
0 likes
0 comments
Grandma chicken casserole
$160
24 views
0 likes
0 comments
Flat bread truffle
$120
24 views
0 likes
0 comments
Arabic tea come with set lunch
13 views
0 likes
0 comments
Post
