Chef's Stage Kitchen

喺將軍澳地鐵站一帶都有好多商場，今次就試吓去遠少少，過對面馬路天晉匯嘅商場行吓。之前我都有去過天晉匯入商場，買嘅嘢講真唔多，反而食肆就多好多，仲要唔同國家嘅美食都有，媲美得上地鐵站上蓋啲大商場。呢間餐廳喺天晉二期商場地下行到算係最埋嘅位置，佢勝在招牌夠大，好易就搵得到啦～間餐廳出邊都有位置，冬天嚟食都幾唔錯。

1

入到餐廳入邊，氣氛幾唔錯，位置都幾舒服。

餐廳嘅侍應服務態度好好，我同朋友諗唔到食咩隨口問吓佢哋，佢哋就推薦左以下嘅意粉同豬手。

Linguine Vongole

$188

初榨純橄欖油蒜香白酒煮紐西蘭海鑽蜆扁意粉（$188）：碟意粉送到上嚟就聞到好香嘅蒜蓉味，而且見到啲蜆肉大大隻，完全冇縮水，食落仲仍然好鮮甜。唔知係咪用咗橄欖油，啲意粉食落口好香但又唔會油膩

Pork Knuckle

$268

德國香脆鹹豬手配薯仔沙律，酸椰菜及蜜糖芥末醬（＄268）：個鹹豬手真係出乎意料咁好食，層皮真係好香脆，而且啲肉仍然保持到好鮮嫩，一啲都唔鞋。鹹豬手嘅味道啱啱好，唔會過分鹹，所以就咁食都OK。佢下面有薯仔沙律配俾你，同埋有啲酸酸地嘅椰菜，夾埋一齊嚟食減少油膩嘅感覺

偽鴛鴦

$28

偽鴛鴦：呢杯飲品好特別，佢最底嗰層可以選擇朱古力或Tiramisu，中間嗰層就係暖粒粒嘅奶蓋，而面頭係雪凍左嘅咖啡磚。當D咖啡磚溶晒嘅時候，就會變成mocca。我本身唔係好飲咖啡嘅，但係覺得呢個飲品幾特別所以試吓，佢keep住都有陣陣嘅咖啡香，而且冇嗰種好苦嘅咖啡味，整體來講杯飲品甜甜地，非常易入口。

Forest

$28

Frozen：呢杯係薄荷芒果菠蘿嘅配搭，飲落去好fresh，啱晒黎解膩，最近咁熱嘅天氣飲係非常好