Video
Read full review
2023-01-02
201 views
冇得去日本旅行，唯有放工黎居酒屋chill一chill。幸好，裝飾好日式，有彷Tatami。前菜有蟹籽薯仔沙律，同3.6牛乳鮟康魚肝。第一次食魚肝，唔知係咩因為用日本3.6牛乳浸泡咗一晚所以特別柔軟。微微柚子味慢慢浸出黎，仲有蔥絲，食落清新，唔會有膻味。串燒五点盛。特別係採用阿波尾雞，肉質嫩滑。店舖都有海報講解營養分別。雞串簡單用海鹽調味，帶出肉味。燒帆立貝牛油味重。豬頸肉烤味濃，好惹味，配酒一流。黎到重頭戲：鯛魚刺身拼盤。鯛魚晶瑩剔透，好鮮甜，同清甜。天使蝦好爽口。蠔又係極鮮甜。秋天時份好適合飲杯熱湯暖胃，鯛魚湯好濃魚味，十分足料。再點多客軟腳蟹手卷，手卷食到最落仲有軟腳蟹。楊梅酒比起一般梅酒更帶甜味，梅味係後勁慢慢出。飲落好幼滑，好易入口。唔好酒嘅都有其他選擇，例如：巨峰乳酸。品嘗美食都係對現實生活小出走嘅一個選擇。
前菜有蟹籽薯仔沙律，同3.6牛乳鮟康魚肝。
第一次食魚肝，唔知係咩因為用日本3.6牛乳浸泡咗一晚所以特別柔軟。
微微柚子味慢慢浸出黎，仲有蔥絲，食落清新，唔會有膻味。
串燒五点盛。特別係採用阿波尾雞，肉質嫩滑。店舖都有海報講解營養分別。
雞串簡單用海鹽調味，帶出肉味。燒帆立貝牛油味重。豬頸肉烤味濃，好惹味，配酒一流。
黎到重頭戲：鯛魚刺身拼盤。
鯛魚晶瑩剔透，好鮮甜，同清甜。天使蝦好爽口。蠔又係極鮮甜。
秋天時份好適合飲杯熱湯暖胃，鯛魚湯好濃魚味，十分足料。
再點多客軟腳蟹手卷，手卷食到最落仲有軟腳蟹。
楊梅酒比起一般梅酒更帶甜味，梅味係後勁慢慢出。飲落好幼滑，好易入口。唔好酒嘅都有其他選擇，例如：巨峰乳酸。
品嘗美食都係對現實生活小出走嘅一個選擇。
Post
