Mr. Right (Closed)

今日約左另一半去左呢間西餐廳吃晚餐，慶祝五周年。呢度環境好寬敞，而且有好多透明玻璃，引入光線，感覺好環保好節能。今日嘅下午6點，仲好好陽光。入到呢間餐廳，人唔算多，可能時間仍係早喇，而今日個經理介紹左個dinner set for two。煙燻三文魚凱撒沙律：煙燻三文魚整到成朵玫瑰花咁，而三朵玫瑰花嘅花語係「I love you」，呢間餐廳有意無意間，將我嘅愛意傳比另一半。黑松露雜菌忌廉湯：味道好濃，落料足。黑松露味道喺口腔牙縫中漫步，份量亦剛剛好。卡邦尼意粉配53°C 溫泉蛋：將隻溫泉蛋同意粉撈勻，將卡邦尼意粉沾有蛋汁，原來好配合。燒美國黑安格斯肉眼扒(10安士)：因為經理極力推薦肉眼扒俾我，同提議五成熟，所以就試一試（本身我從未試過5成熟），份量好足，夠哂兩個人分享，而肉質鮮嫩，仲有好多肉汁添。椰子奶凍：真係要讚讚呢度嘅甜品，本來唔好椰子嘅我，見到幾精緻，試左小小，椰子味好濃郁，唔覺意食哂成個，呢度嘅甜品，出乎意料地出色。價錢$412 兩位，平均$200幾一位，價錢可以接受，而且味道令人回味，可以再試