北海道十勝豚丼 (Closed)

由於近來食物價格通漲, 在尖咀搵平嘢食越來越艱難, 要用一百蚊餵飽兩個人實在有點困難, 尤其想食些有日本味道的, 當晚本來想去札幌Domo拉麵店但計一下兩個人嘅套餐可能都要成兩舊才落樓,放棄了,再由加連威老道向下行至尖東, 這裡有一間太座話幾好味嘅豬扒定食店, 講起豬扒就諗起另一個專嗒豬扒焚化爐E君, 下次介紹佢嚟搵食先, 啱佢三大無理要求平,靚,正, 話說回來, 當晚到此店約九點半有多仍然是八成滿, 我們同有很大堆理工生座一張長枱,她們雖然很嘈,不過年輕人嘈是正常的, 其他的客人都是下了班的情侶或者打工一族,待應全都是20歲左右的年青人, 講着自己以為發音正確的歡迎或者多謝嘅日語, 日本人聽到都唔知佢地講緊嘅係自己嘅方言那種, 不過情況就是這樣, 由五星級的日本食肆走出來的待應裏升格變成經理,雖然他發音較好但要教下屬至同自己一模一樣又是另一回事,加上餐飲業人材流失嚴重, 教不到兩星期就可能唔見咗個人,反正大部份客人都係本地人,唔會識得去分架啦嘅心態,一代又一代延伸下去, 變成現在這種平民的日式料理店, 服務質素參次的主因之一,
言歸正傳當晚點嘅菜式有:
厚切燒豬扒套餐- 太座話以前同其他同事來吃這套餐時,同事嘅回應是好乾好嚡口喎, 但我又覺得可以接受:), 吃到中心部位係有少少嚡口但一來件肉開始凍, 二來中心部份脂肪份量更少, 食到嚡係正常, 始終這種以原件切出來加少少醃味就燒的肉係會咁樣, 食原來件肉嘅肉味才是這種做法嘅原意, 長久以來香港的茶餐廳由於用雪藏已久的肉,所以事先將肉類用大量的化學物搞至肉質鬆夾滑但同時流失的肉味再用各種醬料強加於肉上彌補先天的不足,而我們又接受了這種人工味至認為應該是這樣的, 都可以講幾畸形的認知感覺, 或者可以講味覺被扭曲了, 將黑看成白都幾可憐下架,回說這裡送的味噌湯都OK啦,但送的豆腐就好事但,舊豆腐底嘅椰菜絲完全同件豆腐唔夾之餘,醬油亦是就咁從醬油壺倒出來用,完全沒有調較過,如果係咁不如俾碟小醃菜咪重簡單得多囉,另外米飯就真的幾乾硬下, 由於燒汁太少我叫待應過來,一講她即刻講"是否要加汁"?即係有好多客人都有同樣的要求啦,不過加多些汁後依然都係覺?飯係真的乾咗D囉,這裡的飯煮得唔合格囉,

燒豬肩肉- 這件是散叫柯打, 都幾大塊下, 肉質爽口亦即是含脂量充足, 燒汁亦足夠,所以一開始時太座推薦是這個給我, 只不過自己亦想試多一款這裡的豬扒的其他部位吧了,

北海道南瓜茸沙律- 很差勁的一個沙律, 南瓜既不是來自北海道,賣相也很求其,大家千萬不要叫這個沙律啦,無謂浪費

OK嘅豬扒厚切

豬肩肉