鮨千月 (Closed)

夏天已至，想食壽司嘅頻率自然變得多咗😼，今次嚟到天后嘅鮨千月食omakase，主要睇中佢個無敵大海景，與維港相伴，感覺特別chill😳⭐️森羅 $480一位• 沙律新鮮沙律菜配搭蕃茄做成嘅醬汁，有別於一般麻醬沙律，零舍開胃😚• 薄切鰈魚切得輕薄，落咗青檸汁同淡雪鹽調味，味道比較清淡😗• 刺身三種🐟中拖羅：油份適中，魚味甘香持久🤤🐟赤貝：顏色好有光澤，好有海水同鮮甜味😚🐟油甘魚：以厚切嘅手法呈現出結實爽口嘅口感😋• 壽司四貫壽司喺佢哋最出色嘅環節，四件壽司都令我好難忘！🐟真鯛配紫菜醬：紫菜醬甜甜地同淡雅嘅真鯛好合襯，味道平衡唔會喧賓奪主😚🐟深海池魚配柚子皮：深海池魚配上柚子皮後多咗一份清新感😌🐟甜蝦配松葉蟹膏：甜蝦經過拍打後突顯出其黏滑嘅質感，加上松葉蟹膏，鮮味爆發😳🐟北海道赤海膽：用上平川水產出品嘅北海道赤海膽，顏色偏橙紅，味道複雜而濃郁，食完非常幸福，所有煩惱都一掃而空😳• 刺身飯(細)黎到尾聲仲有個細細嘅魚生飯，食埋其實已經好夠飽。啲魚生粒粒唔係啲頭頭尾尾，同前面食嘅魚料一樣咁新鮮☺️• 味噌湯冇咩特別嘅味噌湯，純粹可以暖下個胃咁😗• 茶碗蒸蒸蛋質感非常滑溜，內裡有雞肉蝦肉等幾足料✌🏻