海港薈

Open Now

Now Closed

又到周末啦，今日風和日麗，朝早起身個人都精神啲，想搵個好地方嘆返個brunch，就去咗尖沙咀嘅海港薈飲茶。點解係好地方？因為餐廳喺北京道一號九樓，對住維港靚景，而且枱與枱之間闊落，雖然人多但唔會有種擠迫感，真係適合嘆茶嘅好地方。【翡翠筍蝦蝦餃王】真係皮薄饀靚 — 入面隻蝦好大粒好爽口，一籠仲有四隻，抵丫。【西班牙黑毛豬叉燒包】三大個叉燒包，叉燒採用西班牙嘅黑毛豬，肉味香濃，配上特調醬汁，味道一流。外皮鬆軟，口感豐富。【鮑魚花膠灌湯餃】真係有成粒鮑魚唔係鮑片嚟，仲有大塊花膠，個湯亦都幾鮮味。灌湯餃有豬肉、蝦粒同蟹柳做饀，相當抵食。【鮮蝦炸春卷】 外皮炸到好香脆，每件都有鮮蝦喺入面，蘸醋食酸酸哋，減低油炸嘅膩感。【菜遠八珍湯麵（碗）】大大碗湯麵，有好多料包括魷魚、蝦、鮑片、雞肉、叉燒、菇等等，足料兼好味。【燕窩蛋撻】燕窩蛋撻唔係第一次食，但咁多燕窩嘅真係第一次見，女仕養顏之選。