神虎麺商店

Open Now

Now Closed

一個無所事事既星期六，又係尋找拉面的故事既時間！呢日係openrice搵下有咩拉面食，無意中見到呢間拉面店，所以就約左女朋友一起去試試。星期六大家都訓到咁上下先出門，大概二點零鐘去到店到，不需要等位即可入座..由於無食到早餐，我就叫左個神虎精選，女朋友則叫左神虎，當中最大分別應該係少左舊豬腩肉。我地被安排到坐係一個貼牆既二人座位..一坐低已經覺得有少少迫加上背後有盆栽頂住張椅，..仲要同時拎住個背包用餐的確唔係幾方便，再加上有件奇怪既事出現🤣就係有隻小蜜蜂飛左入店😂嚇得店中幾位女孩子花容失色，但店員似乎無想趕走佢既舉動令我有點不太滿意。好啦！講番碗面，一上到枱個樣擺得好靚！當然黎到緊係先飲啖湯！但一飲發覺湯只是溫暖，豬骨味濃厚，但溫度唔夠熱就令小弟覺得就麻麻地..肉丸就不過不失，未見太特別，好在個腩肉都叫入味同淋..蛋就流心好食，而面質都屬正常。女朋友仲叫左一支少見既綠茶可樂試下..飲落個味有少少似藥水味..早知叫玻子汽水啦😂好耐無飲過！總結黎講..本人應該不會再黎，價錢偏貴，質素麻麻。完。