Video
Read full review
2009-03-18
17 views
辣同唔辣之間，有幾多係真，係假？麻同唔麻，你又食得幾穿，幾透？風光如畫既香港，擁有五光十色既米線舖；其中位於太子既川之味，就吸引咗，原本食開裕一品，但受不了其質素急劇下降既太公，去到果度開飯；今晚，太公就帶大家說米線，論魚蛋。太公：「ar...其實我想講我本身係好鐘意食米線架；我入到去咁就坐低啦，咁我見個餐牌好多餸揀，單餸米線都只係廿蚊，如果加小辣就加一蚊，加中辣就加兩蚊，加大辣就加三蚊，我真係好...好心大心細，最後係要咗個魚蛋米線加十小辣 (即小辣最高果級)」對於食開裕一品既太公，又點睇川之味阿姐的服務？對佢黎講，服務，又要幾重要呢？太公：「ar...其實我覺得第一次幫襯個阿姐係扮演好重要既角色，因為每間米線舖佢同一級既辣度都會有唔同，咁...咁阿姐係要教個客點揀。咁今次位阿姐好好，見我要小辣最辣果級，好細心咁問我係咪好食得辣，仲好親切，令我覺得，佢真係好真誠」阿姐服務夠真誠，是窩心；碗米線夠「啃」，是過癮；窩心與過癮之間，又有幾多翻騰，可以從碗麻辣湯度借鏡呢？太公：「咁碗米線黎咗之後，我見到d色唔夠紅，以為佢好流；點知，一飲啖湯，就知佢唔係流。雖然個辣度唔太夠，但個麻度真係冇得頂
麻同唔麻，你又食得幾穿，幾透？
風光如畫既香港，擁有五光十色既米線舖；其中位於太子既川之味，就吸引咗，原本食開裕一品，但受不了其質素急劇下降既太公，去到果度開飯；今晚，太公就帶大家說米線，論魚蛋。
太公：「ar...其實我想講我本身係好鐘意食米線架；我入到去咁就坐低啦，咁我見個餐牌好多餸揀，單餸米線都只係廿蚊，如果加小辣就加一蚊，加中辣就加兩蚊，加大辣就加三蚊，我真係好...好心大心細，最後係要咗個魚蛋米線加十小辣 (即小辣最高果級)」
對於食開裕一品既太公，又點睇川之味阿姐的服務？對佢黎講，服務，又要幾重要呢？
太公：「ar...其實我覺得第一次幫襯個阿姐係扮演好重要既角色，因為每間米線舖佢同一級既辣度都會有唔同，咁...咁阿姐係要教個客點揀。咁今次位阿姐好好，見我要小辣最辣果級，好細心咁問我係咪好食得辣，仲好親切，令我覺得，佢真係好真誠」
阿姐服務夠真誠，是窩心；碗米線夠「啃」，是過癮；窩心與過癮之間，又有幾多翻騰，可以從碗麻辣湯度借鏡呢？
太公：「咁碗米線黎咗之後，我見到d色唔夠紅，以為佢好流；點知，一飲啖湯，就知佢唔係流。雖然個辣度唔太夠，但個麻度真係冇得頂，你吞口湯入去，個肚即刻係有翻騰既感覺，好過癮；飲多兩啖，仲標埋眼水出黎...我真係...我真係好感動，....sorry 閂機吖...」
翻騰過後，太公再次食碗米線；一粒魚蛋既存在價值，太公，又點樣去理解呢？
太公：「咁碗米線入面有五粒魚蛋啦，都幾有魚味，不過個彈牙程度就...過咗火位少少；同埋魚蛋個調味都係，稍稍過咗火位，味精味太搶，要扣返d分；之但係成碗野，勝在米線夠爽口，個湯底都夠鮮甜，基本功做得好....真係都幾好味」
響呢間陌生既舖頭，就係因為呢碗基本功做得唔錯既米線，帶俾太公一點共鳴，覺得可以繼續encore；下一集，太公會同你探討，一條米線，同一條電話線既存在價值，同埋佢地經歷過既滄海桑田。
Post
