% Arabica (益發大廈)

Open Now

Now Closed

鰂魚涌海山樓由五座大廈拼合而成，亂中有序嘅格局，居住單位一格格排列得密密麻麻，強烈嘅壓迫感，好有獨特嘅香港特色。好多本地人同遊客都為咗怪獸大廈慕名而來，用呢個石屎森林做背景，影相打卡。呢日約埋女朋友同另外兩個朋友嚟影相，發現原來%Arabica都進駐左海山樓。估唔到嚟到怪獸大廈都有得歎咖啡👍🏻同其他分店一樣，都係走日式簡約路線，燈光柔和，設計型格而且乾淨俐落，更善用鏡子增強空間感，而且仲有好多打卡位。☕️Hot Caffe Latte咖啡味好香濃，鐘意佢嘅比例調配，咖啡味比奶味突出，同時又唔會蓋過奶嘅香味。🍵Hot Matcha Latte放近嘴邊都未入口，就已經聞到濃濃嘅抹茶味，呷一啖，果然抺茶味濃郁香醇。熱飲均配上靚靚拉花❣️☕️Iced Spanish Latte店員推介嘅Spanish Latte，特別用上煉奶調製，入口有如絲質順滑，味道又唔會好甜。🍵Iced Matcha Latte抹茶味道冇熱飲咁濃郁，但味道依然唔錯。% ☕️🍵忍唔住都要幫佢地留下倩影😂臨走前發現，佢地連個垃圾桶都咁靚😍日本人對美學設計果然係係一絲不苟。