Video
Read full review
2017-05-20
59 views
今晚同朋友飲完happy hour 都已經差唔多10點，原本行去謝斐道準備吃個拉麵之後返屋企，點知原本拉麵店嘅位置而家換上了一家叫坂奈既招牌。神祕嘅門口後面，有一塊黑色嘅布遮住裡面既環境。坂奈究竟係食咩？係咪好貴嫁？翻開門口嘅菜單先知道原來係一間食燒魚套餐嘅專門店，價錢由100幾蚊起，如果係即叫即燒既季節性鮮魚，又出乎意料地唔貴。係我哋企係門口左諗右諗嘅時候，店員已經出黎招呼我哋，咁我哋見到坂奈既價錢大眾化又未試過係香港食呢種燒魚既專門店，於是決定留低試吓。入到裏面，依然係之前食拉麵嘅裝修。一排bar table。 好奇之時， 店員話佢之前拉麵店嘅老闆覺得香港缺乏專賣燒魚嘅說專門店，所以將日本同台灣好流行嘅燒魚專門店，帶到香港。同集團仲有鳥居、漁獲濱燒等。。。原來係同一集團既新概念店，甘已經係信心嘅保證。今晚好彩冇揀錯！睇完個Menu都係一舊雲，唔知食乜好。問師傅呢度最有特色嘅菜式係咩，佢推薦左腦天-- 即吞拿魚額頂果兩片魚柳，由於珍貴，少有，每條吞拿魚兩塊，食材珍貴，唔係渡渡食到。。。。俾佢甘講，真係再貴啲，一生人都要食番次！今日Happy Hour 飲咗酒，食飯唔想再飲，叫左呢支信
神祕嘅門口後面，有一塊黑色嘅布遮住裡面既環境。坂奈究竟係食咩？係咪好貴嫁？
翻開門口嘅菜單先知道原來係一間食燒魚套餐嘅專門店，價錢由100幾蚊起，如果係即叫即燒既季節性鮮魚，又出乎意料地唔貴。
係我哋企係門口左諗右諗嘅時候，店員已經出黎招呼我哋，咁我哋見到坂奈既價錢大眾化又未試過係香港食呢種燒魚既專門店，於是決定留低試吓。
入到裏面，依然係之前食拉麵嘅裝修。一排bar table。
好奇之時， 店員話佢之前拉麵店嘅老闆覺得香港缺乏專賣燒魚嘅說專門店，所以將日本同台灣好流行嘅燒魚專門店，帶到香港。
同集團仲有鳥居、漁獲濱燒等。。。原來係同一集團既新概念店，甘已經係信心嘅保證。今晚好彩冇揀錯！
睇完個Menu都係一舊雲，唔知食乜好。問師傅呢度最有特色嘅菜式係咩，佢推薦左腦天-- 即吞拿魚額頂果兩片魚柳，由於珍貴，少有，每條吞拿魚兩塊，食材珍貴，唔係渡渡食到。。。。俾佢甘講，真係再貴啲，一生人都要食番次！
今日Happy Hour 飲咗酒，食飯唔想再飲，叫左呢支信州蘋果汁。
係日本，信州本身就盛產就蘋果，信州既蘋果汁帶着蘋果天然嘅清甜口味，温和潤喉嘅蘋果汁，好清新！
我朋友話想食原條燒魚，佢哋就將今日嘅季節精選魚成盤遞上任我地揀，嗰種令人有尊貴感嘅服務形成，感覺良好！
加上其他枱客人點燒既各式各樣嘅鮮魚，無論是個嗅覺、視覺、感覺，都非常棒！
燒魚需時，我地點左煙燻蘿白芝士 HK 36 作前菜。
煙燻左既蘿白，收乾咗水份。有陣焦香，好有特色。中間夾左creamy 既白芝士，形成外脆內軟的美妙組合。價錢相宜，值得一試。
吞拿魚額頂柳生熟燒 HK 258 終於到了！
有五大塊！
切開軟諗諗的魚柳，終於明白生熟燒的意思。
外層被燒過有魚香，內層係呈現刺身狀嘅魚柳。
吞拿魚嘅腦天有豐富既魚脂，非常滑溜，好似食拖羅甘入口即溶，魚味重，營養豐富。
甘罕有既食材，真係貴D都值得嘗試！
Post
