刺身盛(5款)
有蝦，三文魚，吞拿魚，帶子，海膽，刺身都係厚切而且算幾新鮮。
白金豚肉流心蛋卷
呢個幾得意，一開頭唔知係咩黎，淨係覺得個蛋好大隻。大啖咬落去就會食到裡面的流心，連埋外面的豚肉、蒜片、蔥一齊食好過癮好滿足。
厚切白金豚肉 & 西班牙黑豚肉肩肉串
真不愧係專食豚肉的餐廳，佢地既串燒好值得order，用料夠好加上燒得火候不多不少，出到黎就好香好juicy，唔使落好多醬汁反而食到豚肉本身既油脂香。
三文魚魚頭
成份三文魚魚頭估唔到都幾多舊，整得都幾香口，不過個皮就膿左少少。
椰子蛋糕
最後食返個椰子蛋糕，清一清個味蕾，而且椰子味好香。
