順日本料理 (Closed)

天后永興街位置喺天后同炮台山站之間 地點都算幾吊腳 不過今日嚟係為咗食一樣嘢 - 厚燒牛舌飯😛之前未幫襯過呢間餐廳 聽講話佢哋以前係食壽司刺身為主 最近改咗餐牌 而家午餐主打日式鰻魚飯同牛舌飯 既然咁想念家鄉 就一於嚟試吓佢哋嘅牛舌飯 睇吓有幾好食首先其實佢哋嘅門口設計唔係幾吸引😅 如果唔係知道佢哋嘅主打菜式 平時我真係未必會就咁行入去嘗試入到去你會發現係一間壽司店嘅格局 有一張長嘅壽司枱同幾張兩人座椅食物方面 厚燒牛舌飯甫上枱就已經聞到好香嘅肉味同胡椒粉味 配以前菜, 麵豉湯同沙律 可以中和一下口感牛舌一共有五塊 因為係厚燒所以質感特別豐富 而醃味亦做得好好 加上黑胡椒粉可以帶出牛舌嘅香味 不過始終五塊真係比較多 就算一個男仕都未必食得晒作為一間餐廳嘅主打菜式 呢個牛舌飯係合格嘅 服務亦都好好 相信將來會有二訪