沙律既沙律醬味有小小奇怪，唔知係因為芝麻既關係定係乜野！
豆腐正常，面豉湯比平時既深色。味道亦較濃。
朋友坐低話要叫最貴既，所以叫左鮮壽司（共十二款），玉子有兩舊，甜度剛好👍🏼 甜蝦有小小甩尾，三款軍艦落足材料抵讚
魚既就似乎唔夠肥美！
而我就叫左刺身定食！三文魚腩很厚身！吞拿魚既色水唔靚。帶子就一粒厚身切半。海膽略覺小左小小。
配上既白飯個人覺得太熱，若然只係微暖會好好多。因為刺身係凍既。配上熱騰騰既白飯，就好似無左食刺身既感覺
套餐可以加$15 換小食，我地加左淮山小食。爽口得黎配上芝麻，感覺清新
臨尾送上既雪米磁係荔枝味，正
感覺上無其他食評講得咁好，但我覺得我會想試下佢地既熱食定食（如牛柳粒）生蠔、串燒等其他美食。
